🍔按此睇邊間爆滿芝士漢堡咁正⬇️ 好多人食Burger都係食塊漢堡肉，講求都係肉量肉汁同油脂咁，但其實塊包都好緊要，好似呢間用嘅法國牛油包Brioche Buns咁，上網睇聽聞係當年用過百萬買返黎嘅秘方，聽到都有啲想剩係買個淨包試下。 其實呢間Burger都開咗差唔多10年，本身都幾出名，上過亞洲top 5 best burger，主打漢堡都係走smash burger嘅路線，即係壓扁煎香果種美式街頭漢堡，而且少有地開到凌晨，宵夜整返個真邪惡。 - 🥩Singer Burger 牛肉漢堡 ($110) 🥩Doublecheese Burger雙層芝士牛肉漢堡 ($150) 連塊包都係自己秘方訂造，口感特別鬆軟，微甜又帶牛油香，而漢堡牛肉非常Juicy，煎到焦香滲滿油脂，再夾滿半溶芝士超正。 🧀芝士薯條 ($60) 🍗經典水牛雞翼 (6隻$70 / 12隻$110) 🍗蒜香巴馬臣芝士雞翼 (6隻$70 / 12隻$110) 最估唔到呢到有咁多款雞翼，講緊係有近10款，最正一定係招牌水牛雞翼，酸辣又夠脆身，而薯條都有5款，芝士薯條真痴線。 🥛曲奇Milk Shake 🍻生啤 除咗招牌Milk shake超濃厚邪惡，最正係呢到仲有生啤飲，唔記得價錢但都係幾十蚊幾抵飲，一啖Burger一啖生啤真心爽。 - Burger Joys 🗺️灣仔駱克道42-50號君悅居地下E號舖 📞63736668 ❇️開到凌晨2點！

1444

10

2天前

🇹🇭按此睇邊間鑊氣街頭泰菜咁正⬇️ 有時都有網友問我有冇北上，其實我都有，但暫時最北都係去到沙頭角，同埋黎上水食下嘢咁。其實呢區都隱藏唔少好嘢食，以前會覺得遠，但對比再北啲好似又唔算遠，唔知大家經開會唔會黎食嘢。 呢年特別流行街頭風嘅鑊氣泰菜，估唔到係呢區都搵到，質素竟然仲好過唔少市區泰菜，而且仲有呢期大家最愛嘅打拋飯，招牌仲有自家熬製濃湯船麵，出色到開間船麵專門店都得。 - 🍳三隻眼打拋豬炒飯 - 香葉肉碎 ($78) 鑊氣十足嘅打拋炒飯，鋪上煎到脆邊嘅三眼仔煎蛋，打爆蛋黃撈埋飯真心正，飯底又炒到微辣香口，粒粒飯粒都入哂味，越食越上癮。 🥩牛肉船粉 - 牛腩、牛肉、牛肉丸 ($60) 本身預計都只係餐牌其中一道菜咁，點知出色得驚喜，原來湯底每日足料鮮熬，熬到真係濃郁鮮甜，麵底索哂湯超正。 🍖火山骨 ($158) 超巨型足料肉骨，煮到肉質軟腍，醬汁酸辣帶鮮，撕開肉後索汁超開胃，而且火山骨黎講都幾抵食，百幾蚊有咁大份。 🦀咖哩蟹肉配蒜蓉包 ($268) 🦐泰式生蝦刺身 ($128) 🧋混雙泰奶 - 可選奶茶/奶綠/粉紅奶 (+$18) 值得一提呢到竟然有款雙拼茶飲，一隻杯裝住兩款茶，都係經典泰奶咁，連泰國粉紅奶都有，如果經開買返杯拎住飲都幾正。 - 泰正斗 🗺️上水馬會道158號地舖 📞9749 2338

609

9

3天前

🦀按此睇邊間隱蔽私房手工粵菜⬇️ 大家都知正常做生意係打開門做，真係要有返咁上下實力，先會夠膽係咁艱難嘅市道，閂埋門去做生意，所以有時真係佩服啲私房菜，冇人介紹又邊會有人識得黎。 今次呢間私房粵菜就值得介紹，其實呢頭咁多富豪飯堂同識食嘅朋友，開係呢區都已經好有自信。而主打嘅都係懷舊手工粵菜，唔少菜式已經買少見少，例如鷓鴣燕窩羹、八寶鴨、膏蟹蒸手剁牛肉餅咁。 - 🥘度身訂製私房菜 (自訂價錢 / $600) 私房菜黎講都算抵食，九道菜都只係呢個價錢，而價錢budget可以自訂(最低$600)，可以等師傅發板提議Menu，或者夾下想食啲咩都得。 🥢百花炸釀蟹鉗 🥢巨型酥炸蝦多士 手工釀蟹鉗越黎越少見，而且仲要真蟹肉加蝦膠做，爽彈又鮮甜；而呢到嘅蝦多士真心出色，原隻Size超巨型，炸透又夠乾身酥脆。 🥢招牌豉油皇乳鴿 豉油皇係呢到招牌，揀豉油雞都得，但豉油皇乳鴿就少見啲，做到真係入哂味，又不失肉香同油脂香，豉油秘製調較啱啱好，越啜越上癮。 🥢古法荷葉飯 做得出色嘅真荷葉飯都唔易搵，睇片都見粒粒分明，每粒飯粒都入味上哂色，混埋肉料唔會單調，而且真係有荷葉香，唔係就咁鋪塊荷葉果啲。 🥢懷舊西米蓮蓉焗布甸 埋尾甜品都真心驚喜，超懷舊嘅焗布甸，焗到好似葡撻咁靚，一𢳂起流心蓮蓉滿瀉，啖啖充滿蛋香，本身以為蓮蓉會好甜，但甜度都係較到啱啱好。 🔸其他菜式 🥢欖角陳皮絲炒鮮斑球 🥢瑤柱花膠絲扒菜心苗 🥢秘製沙薑豬手 🥢鮮拆蟹肉粟米羹 - 大四囍 🗺️跑馬地昌明街1-3號地舖 📞2799 8098 ❇️留意預訂要4位起，記得約多啲朋友，另外有得包房可以問問。

414

17

3天前

🍜按此睇邊到隱藏咗間車仔麵咁正⬇️ 係全香港18區入邊，唯獨係中環呢到，成日都碌post有人問，呢頭返工有咩抵食，其實好就好在呢到唔會剩係得連鎖店，都隱藏咗唔少抵食好食嘅小店，就好似呢間車仔麵咁，一個禮拜食幾次都得。 呢條巷仔都算係中環奇景，收埋唔少細鋪仔，呢間車仔麵都係開咗一年到，但質素真係唔錯，啲餸款款入味。重點係啲醬汁超正，有款自家製魔鬼辣椒醬，唔敢食太辣嘅話，落2mm咁大滴自製10小辣都幾香。 - 🍜一麵三餸 - 豬骨湯麵 / 撈麵 ($57) 可以揀湯麵或撈麵，其實撈麵真心都幾正，推薦揀粗麵黎撈，掛滿醬汁真係超惹味，撈埋辣醬更加係會食上癮。 🔸湯底醬汁 🥢秘製辣醬 🥢魔鬼辣醬 🥢四川麻辣 🥢濃香沙嗲 🥢港式咖喱 基本上要有嘅都有，秘製辣醬辣得黎夠香，想再辣啲可以落埋魔鬼辣醬，仲要擺枱面任落，而揀埋沙嗲就可以甜身返少少，夾埋都幾正。 🔸配料 (跟麵3餸免費；有啲要+$4） 🥢秘製辣魷魚 🥢溏心蛋 🥢蘿蔔 辣魷魚係佢地招牌，寫明用阿根廷大魷魚，食落都係靚料，有魷魚鮮味，重點係辣得惹味上癮。溏心蛋都係必叫，真係做到溏心，而蘿蔔都軟腍入味大大舊。 🥢牛腩 🥢爽脆豬皮 🥢咖喱魚蛋 🥢豬大腸 🥢腐皮魚卷 🥢韭菜餃 🥢鮮製豬紅 🥢蝦餅 🥢滷水麵筋 總共大約30幾款配料，呢到只係部份，其實好多款都出色，我就鍾意揀啲佢地有經手嘅，即係唔係丸果啲現成嘢，例如豬腸、豬紅、豬皮、牛腩咁，款款都入哂味。 - 車水堂車仔麵 🗺️中環士丹利街82號地舖 📞62036240

1196

9

4天前

🍱按此睇點訂預約困難高分店⬇️ 係7月5號之前都唔知，原來咁多人留意地震預言，唔知你地果晚有冇睇直播，不過我成日都話，作為2012年瑪雅預言世界末日倖存者，係唔會怕漫畫書預言。但都要趁下熱鬧，介紹返間東京高分店。 呢間Tabelog超高分嘅Omakase，壽司主打自家熟成技術，超受當地人歡迎，長期經常滿座，預早兩個月都未必book到weekend，不過當然都有方法book，旅行閒日都ok嘅。最緊要都係嘢食出色，大家睇埋落去先。 - 🔺限定Omakase (訂位95折後¥22990) 1️⃣呢間全國頭3%高分嘅Omakase，除咗時令新鮮嘅高級魚料，仲有少有主打自家熟成，透過特別嘅保存技術，去提升魚生嘅香氣同鮮味，味道更加有層次。 2️⃣當然大家最想食嘅海膽、野生拖羅、貴價活蝦貝等等，呢到都會有齊，海膽仲要係海膽熱狗卷咁上，鋪到滿一滿超幸福，鮮甜到極點。 3️⃣而好多朋友食Omakase，都真係為咗食壽司，而呢Set賣點正正係主打壽司，有成足足15貫，去充份present佢地嘅鮮魚或熟成鮨，出邊就比較少有。(當然另外都有set係少啲壽司) 🔸前菜一品 🔸壽司十五貫 🥢大拖羅 Otoro 🥢小肌 Kohada 🥢赤身 Akami 🥢牡丹蝦 Botan 🥢海膽 Uni 🥢金目鯛 Kinmedai 🥢針魚 Sayori 🥢春子鯛 Kasugodai 🥢赤貝 Akagai 🥢魷魚、海膽 Squid & Uni 🥢中拖羅 Chu toro 🥢赤鯥 Nodoguro 🥢拖羅蓉 🥢穴子 Anago 🥢秘製腐皮 🔸天婦羅鮑魚 Abalone 🔸蟹籽蟹肉茶碗蒸 🔸自家玉子燒 📚為免大家聽唔明日文，而家會寫埋壽司片假名讀音/英文譯名，聽得明食得開心啲。 🚦收藏行程：位於日本橋嘅佢地，其實就係東京車站附近，講起呢個交通樞紐，都係極力推薦大家呢個夏天去熱海睇煙花，東京車站搭4x分鐘就到，7月25日、8月5/8/18/25日都有煙火大會。 - 鮨 不二楼 / Sushi Fujiro 🗺️2-9-12 Nihonbashi Kayabacho, Miwa Building, 3rd Floor Chuo Ward Tokyo 🌐訂座網站(有中文)：https://tinyurl.com/4v94zvuy 上邊呢set得呢到有得訂，而且比較過價錢，搵埋95折code，應該係全世界最平，而且訂位唔洗手續費。 ❇️七月95折優惠碼：cpa3fcg （可訂3個月內) #日本美食 #東京美食 #japanfoodguide #tokyofood #pr #japanfood #日本旅遊 #東京旅遊 #japantravel #tokyotravel #香港 #hongkongtravel

338

9

6天前

🥩按此睇邊間居酒焦糖鵝肝咁邪惡⬇️ 唔知大家平時睇Reel會唔會認得啲爆紅餐廳，可能大家都見過長期爆滿嘅呢間。但即使係同一間居酒屋，最神奇嘅係每次黎都有唔同嘢食，因為佢地出新嘢仲快過麥當勞，非常勤力有heart。 其實佢地都真係幾緊貼潮流，例如早排爆紅嘅焦糖鵝肝，呢到就出咗款焦糖鵝肝千層脆脆，仲有日本長期超受歡迎嘅爆蛋和牛丼。不過黎得居酒，當然唔少得仲有啲串燒同刺身。 - 🥓焦糖鵝肝和牛千層脆脆 (免費 / 原價$98) 🥓海膽拖羅蓉千層脆脆 (免費 / 原價$138) 超爆餡嘅千層脆脆，用紫菜脆脆夾住，面頭鋪上肥美焦甜嘅鵝肝，或者鮮甜海膽，中間就係拖羅蓉/生和牛，入口真係油脂爆發，層次超豐富。 ❇️IG DM佢地 @kinzakaya.hk 訂位，DM講低「千層脆脆free」，就會有免費嘅海膽/鵝肝千層脆脆。 🦐炙燒爆膏四頭巨型虎蝦 ($158) 大虎蝦巨型得誇張，成塊臉咁長，係講緊大臉嘅朋友咁大，面頭鋪滿特製過嘅蝦膏，撈埋黎食就更加鮮濃。 🥩犇丼。月見日本尾崎和牛 ($238) 🍗滿丼。海膽鵝肝三文魚籽飯 ($268) 爆滿足料堆到好似座山咁，有齊哂和牛、海膽、鵝肝呢啲keyword，前者和牛丼燒到粉嫩，撈埋蛋汁非常肥美；後者除咗海膽魚籽，仲夾住超厚鵝肝添。 🦪日本生蠔 - 令和の怪物 ($98) 🍨金酒杯 - 海膽、三文魚籽、蟹肉、拖羅蓉 ($168） 🥢燒嚴選松板豬($58) 🥢燒雞皮蝦 ($58) - 金酒屋 @kinzakaya.hk 🗺️荔枝角長沙灣道909號地舖 📞26332552 (記得係IG DM訂位)

635

47

6天前

🍜按此睇呢間小店有幾大有來頭⬇️ 早排蔡瀾先生離開，除咗有無數嘅悼念文，仲有就係好多朋友都想搵返佢嘅推介，例如《蔡瀾常去食肆150間》咁，不過睇返已經係2008年出版，能夠生存咁耐嘅應該都冇幾多間。 例如呢間馬拉菜咁，主打海南雞同喇沙，計埋舊店其實已經超過20年歷史，正正係150間其中之一，又拎過米芝蓮，但早幾年都因為租金退落黎，近年先重開返，蔡瀾先生都有再次食過，難得而家仲有做。 - 🍜海鮮喇沙 ($88) 其實之前都介紹過，真係唔少網友都大讚嘅喇沙，而家流行嘅喇沙越黎越濃稠，但呢到好食在係濃而不膩，湯底又帶鮮甜，又有一層層香料香氣，非常惹味上癮。 🍗海南雞 (半隻$168) 海南雞都係呢到招牌，除咗半隻/原隻咁叫，仲可以叫海南雞飯，真係油香皮滑肉嫩，滲滿雞味同油脂香，沾埋三色醬真幸福，買外賣加餸都正。 🥘馬來巴東雞肉 ($88) 🦐檳城炒貴刁 ($78) 平時馬拉菜選擇都唔係好多，但呢到真係好多款小菜，好似泰菜餐廳咁。例如巴東都有分牛同雞，濃郁惹味送飯一流，炒貴刁都好有鑊氣，真係用鴨蛋炒。 🍳豆角煎鴨蛋 ($68) 🍨馬拉炸榴槤球 ($55) - 莎巴馬來西亞餐廳 🗺️灣仔灣仔道177-179號保和大廈地下1號舖 📞5922 2218

1444

17

7天前

🥘按此睇邊到新開抵食手工麵店⬇️ 話說有年冬天係德國慕尼黑，日日食德國腸同薯條，人在異地又天寒地凍，想搵啲中菜同辣嘢食，點知方圓百里得一間有開，賣嘅就係呢種油潑麵，係香港都未食過，果陣我都係第一次食。 果年返黎香港之後，發現原來都係得一兩間有賣，除咗可能因為偏門，亦可能因為呢種油潑麵主打就係手工製麵，唔係咁易做咁多人做。不過近年興手工嘢，又新開多咗啲手工麵，就好似呢間咁。 - 🍝大碗油潑麵套餐 ($62) 🥢傳統油潑biangbiang麵 🥢當日現鹵醬大骨 🥢飲品 - 真果肉酸梅湯 1️⃣我都以為而家四圍都好多預製嘢，但原來呢間有唔少麵條，都係店內新鮮製麵，好似呢道油潑麵咁，超長兼寛身，入口微微軟糯彈牙。 2️⃣而油潑麵調味以辣椒油、各種辣椒粉同蒜蓉為主，拌埋麵條非常惹味，越食越上癮，而跟埋嘅鹵水豬肉骨，都係當日現鹵。 🥓陝西涼皮 ($39) 🥘猛火牛肉爆肚麵 ($63) 🍜菌湯三鮮麵 (迷你 $23) 輕輕一數，佢地鋪頭至少有成4款麵，涼皮非常爽滑，夏天食涼拌啱哂，爆肚麵即叫即炒，粗身圓形麵條都係超彈牙。 🔸其他菜式 🥢菜心牛肉粒炒飯 ($53) 🥢韭菜豬肉餃 ($42) 🥢招牌羊肉串（3串$45) 🥢老潼關肉夾饃 ($23) 而且佢地鋪頭仲有唔少小食，例如一字餃咁，一叫就成碟勁多隻上，仲有連羊肉串都有，都係非常香口。 - 臻享大師兄 🗺️沙田橫壆街1-15號好運中心3樓3010-3011, 3041-3042號舖 📞9808 9536 ❇️見到九龍城廣場同天水圍T Town都新開咗分店~

1593

18

7天前

🦐按此睇邊間咁多海膽咁誇張⬇️ 其實餐飲業都好似電影業，要開到戲有戲拍，先訓練到多啲專業人才。早幾年香港多咗咁多Omakase，除咗引入多咗日本海鮮食材，餐廳都接觸多咗新嘢，大家又識飲識食咗，而家先有咁多好嘢食。 今次呢間壽司日本菜新開冇耐，真係近期食過最正嘅新店，對質素嘅要求拍得住Omakase，連壽司飯都用上三種米秘製，而且介紹得價錢當然唔貴，而且主打都係稀有嘅日本魚料，食出邊出唔到嘅刁鑽嘢。 - 🦐海膽赤蝦蝦膏迷你丼 ($138) 其實剩係呢個飯，已經值得大家黎食，壽司丼拌上鮮甜海膽，又鋪上炙到更加鮮甜嘅爆滿蝦膏，連埋三文魚籽、赤蝦同飛魚籽，撈埋飯食真係鮮甜到痴線。 🦞日本龍蝦刺身配蝦膏醬 呢道就更加痴線，用上出邊少有嘅原隻日本龍蝦，肉質滑嫩爽彈，再特製埋鮮濃龍蝦膏，超爆滿撈埋落龍蝦刺身，拌埋黎食更加鮮甜。 🥓慢煮鮑魚芽蔥海膽壽司 ($98) 🥓日本海膽魷魚刺身 ($98) 呢到真係超多日本海膽食，前者鮑魚先慢煮過，用黎包住海膽，仲有法國魚子醬，真係會鮮味爆發，咁樣配搭應該呢到先有。 🥓神戶和牛刺身 ($158) 🥓牛油果芝士三文魚卷 ($98) 🥓本鮪壽司盛盒 - 青森大間拖羅 (四件 $188) 🥢中拖羅 🥢大拖羅 🥢蔥花吞拿魚腩 🥢赤身 就算其他刺身，都係用上日本直送嘅海鮮，例如拖羅都係日本本鮪，又有和牛刺身食，食到嘅都係刁鑽稀有嘅靚料。 🍶果物の女王 (720mL) 🍶幻之酒「いすゞ美人」(720ml) 而且仲有唔少稀有日本酒，直頭係出邊飲唔到，都係日本老闆獨家係日本搵返黎。例如前者嘅晴王葡萄酒，全手工用晴王葡萄釀製，甜身又帶果香，就算唔飲酒嘅都啱飲。 - 渡邊屋 🗺️尖沙咀棉登徑13-15號地舖 📞3564 8993

1273

44

06-11